النضيف والنضاف

**السيد السيد على** السبت يناير 21, 2012 12:13 pm

النضيف والنضاف والشريف والاشراف
كلة بيتبع ورقة ابتجيلة شهريا من الصراف
تكلمهم يبقوا فى الاول لطاف اتعارضهم
يالطيف الالطاف يطلع بعيد عن الدين
وعن الاعراف
بعد مايكون حلو الاوصاف
يناطحك زى ما ابتتناطح الخراف
يشد اف شعر جبينة وايحمرلك عينة
وينتف من على راسة الاصواف
ولانى شريف من طبعى مش
خواف ولا هخاف لانى مابعرفش الصراف
ولاعمرى طلعت عن الاعراف
ولا بتناطح نطاح الخراف
قلبى سليم ولا يشوبنى شوبة مشهود
بنضافتى من جميع الاطراف
فى الجد جد فى قولى سيف وحد
مش بناطح زى الخراف
ابعد وامشى فى بر انصراف
لما الاقى فية نطاح
يقولوا ملح يقولوا سكر الملح
ابيحفظ الجيف والرمم من ظهور
النتانة لما بتموت الخراف
ويفضل نضيف مهمااتحط
ع الرمم وغير النضاف
ولانى مابعرفش الصراف
لاعمرى خفت ولا هخاف
ولا يشوبنى شوبة ولا
حتى انحراف مش بطاطى
ولا بخاف
ولاعمرى مشيت مع حد
من المتلونين ولاحبيتهم
علشان ظراف
اصلى بخاف من اللى يلتف
ومن الخطاف واللى بعيد
عن الاعراف
واللى ممكن تتمد ايدة
تخطف اموال من الصراف
ويدعى النضافة وكلمة الحق
اللى مشكوكة ومغلوطة وخالية
من الانصاف
انا واللة بخاف من لغات الاشراف
اللى ابيعرفوا طريق الصراف
فاهمين انتوا فاهمين مافيش
بعد اليوم انحراف
ولا هيبقى فى وطنى بعد اليوم
حرامى ولا غراف
والاعراف هترجع جميع الاعراف
والانحراف ماهيبقاش بعد اليوم انحراف
ولازم بلدى تتبدل ومصلحة الفرد من
من مصلحة المجتمع وتتبدل جميع الاطياف
والمدينةالفاضلة ترجع ويذهب نطاح الخراف
والاشراف يبقوا صحيح اشراف
لانهم مش هيزلهم العوز للصراف
لان بلدنا هتبق لينا وهيبعد عننا الحرام
وابن الاية الغراف
ويبتدى الحب يرجع والحضن بينا يبقى
دافى وتخلى الدنيا من الواطى ومن الدجال
وابن ستين فى سبعين ومن الاخر الكل يكون
نضاف
السيد السيد على